Ən çox hansı problem sizi narahat edir? Bir psixoloq olaraq insanlarda ən çox hansı problemi görürəm. Depressiya və həyəcan-təşviş problemi. Hər ikisi insanın həyatını olduqca çətinləşdirən və məhv edən problemlərdi. Əgər siz də bunlardan əziyyət çəkirsinizsə, böyük ehtimalla heç vaxt bitməyəcəyini düşünürsünüz. Amma, siz bilirsiniz ki, bu iki problem bütün dünyada psixoloqların ən sevdiyi problemlərdi? Çünki, terapiyaları asandır. Bilgili bir psixoloq heç çətinlik çəkmədən sizi hər iki problemdən xilas edə bilər. Düzdür, depressiya bir az zaman alır və intihar kimi bir risk faktoruna sahibdir. Yenə də çox sadə texnikalarla depressiyanı məhv etmək olur. Məsələn, Post Travmatik Stress Pozuntusu və Əsəb Kontrol Problemi bir az çətin məsələdir. Düzdür, bunları da həll etmək olur, sadəcə bir az daha artıq mübarizə tələb edirlər. Amma depressiya və həyəcan problemi daha rahatdır. Sizi bu qədər incidən problemlərin bu tərəfini düşünün. Onlar sizin düşündüyünüz kimi nəhəng canavarlar deyillər, terapiya otağında dovşan olurlar.
Fuad Əsədov
